مشكلة الضغط المنخفض
- Sama Gamil
- 2 أغسطس 2024
- 1 دقائق قراءة
السلام عليكم ورحمة الله وبركاته 🫱🏻🫲🏻🤍
الضغط المنخفض ده مشكلة شائعة جدا، بس لو عرفنا نعالجها في الوقت المناسب هنقدر نمنع حدوث مشاكل أكبر ⚠️
طيب الضغط المنخفض ده بيحصل امتي ⁉️
ده بيحصل لما يكون في نقص في كمية الدم اللي بيدور في الجسم أو لما يكون في اختلال في الأوعية الدموية أو عضلة القلب 🩸❤️
طب اي الأعراض الشائعة للضغط المنخفض ⁉️
الدوخة الترجيع الضعف التعب الصداع وممكن الشخص يغمى عليه أو يشعر بالدوار وعدم الاتزان 🤒
في حالات أكثر خطورة زي إن ممكن يحصل انخفاض في ضربات القلب وصعوبة التنفس 😥
ازاي اتعامل مع مريض ضغط منخفض ⁉️
أول خطوة هي إننا نخلي الشخص ينام علي ضهره ونرفع رجليه شوية عشان نوصل الدورة الدموية للمخ ومننساش كمان نخلي المريض يستنشق أكسجين ده هيساعد جدا في رفع الضغط 👌🏻
وأهم حاجة لازم نكلم الطوارئ بسرعة لو الحالة خطرة ونقولهم إننا عندنا مريض ضغط منخفض 🏥
لما الإسعاف توصل، هنقولهم بكل التفاصيل عن حالة المريض عشان يعرفوا يتعاملوا معاه بالطريقة الصحيحة 🚑
لو الضغط المنخفض مزمن فلازم نتابعه باستمرار مع الطبيب 👨⚕️
كوتش/ سما جميل
فريق الإسعافات الأولية
Commentaires